أنت عايز إيه؟

قد يبدو لك هذا السؤال ساذجا، إلا أنه ليس كذلك، أنت عايز إيه؟ عايز تعمل إيه في حياتك؟ ناس كتير بيبقوا عايشين كده

وخلاص، بالبركة، مش عارف هو رايح فين ولا جاي منين ولا عايز إيه من الحياة أصلا، معظم الناس كده على فكرة، هل أنت منهم؟ ظبط حياتك عايز تعرف المفروض الحياة تبقى ماشية ازاي؟ تعال نلعب لعبة مع بعض. اكتب في مربعات ما لا يقل عن 5 حاجات موجودة في حياتك. خد وقتك تماما وفكر كويس وأنت بتكتب.

*هام= كل ما هو مهم في حياتك وأنت حاسس بأهميته فعلا وهايفرق في حياتك.
*غير هام= عكس كده
*عاجل= الحاجات المستعجلة اللي لازم تتعمل بسرعة عشان ما يحصلش مشكلة.
*غير عاجل= عكس كده

فاهمين قصدي؟

 *يعني مربع 1= هام وعاجل
*مربع 2 =هام وغير عاجل
*مربع 3= غير هام وعاجل
*مربع 4= غير هام وغير عاجل

أظن واضح، اكتب بقى يا صاحبي وخذ وقتك.